السلام عليكـــــــم
اكيد العنوان يشوق مو ؟ ... ادري
حبيت افتتح مدونتي بهالعنوان وايد اتفائل فيه
الحب خالد .. خالد اقصد فيها صفة الخلود نفسها
يعني لا تفهموني غلط من البدايه
مافي شخص منا ما عاش قصة حب .. طبعا مو اي حب .. انا اقصد مشاعر الحب الساميه الصادقه
الحب الي يحسسك بالامان طول ما انت عايش يعني تنام وانت متطمن بوجود شخص يحبك حب صادق
تقعد من النوم تفكر ان هالشخص موجود وراح يكون يمك متى ما تحتاجه
شخص معاك 24\24 .. سبع ايام بالاسبوع .. 12 شهر على مدار السنه
يكون اهو حياتك اليوميه .. تفاصيل حياتك تتمحور على هالشخص تحس ان انت عايش عشانه وبالمقابل اهو عايش عشانك
هالحب بين طرفين ... فجأه
كل طرف بطريج .. الظروف احرمتهم من بعض .. شكثر؟؟ و لي متى ؟؟
دام انهم يحبون بعض وعايشين حق بعض اكيد نقدر نسأل هالاسئله
بس اذا دش طرف ثالث بالسالفه ؟؟
حتم عليهم القدر ما يعيشون مع بعض وبمعنى اخر ( غسلو ايدهم من بعض )
تزوج الريال لان طبعا ما راح ينطر طول عمره حب ما يقدر يوصل له
بعد كل الي بينهم ( حب حقيقي ) .. معقوله يندثر ! طبعاً لا
بيتم الحب موجود بينهم و يمكن ما يوقف يتطور اكثر واكثر .. الريال عند مرته وقلبه ينبض على حب وحده ثانيه
هني في ظلم للطرف الثالث انا عارفه بس ( مابي اتطرق للموضوع هذا)
خلونه بالطرفين الاول والثاني الي انظلموا
البنت تحب الريال .. وانتو عارفين البنت اذا حبت ما تملك التحكم بالمشاعر ابد .. تبي إتم عايشه عشان حبه
مستعده تضحي بالزواج والارتباط .. بس عشان تعيش على ذكرى وحب ريال ما تقدر ترتبط فيه
ظلم !! اي ظلم بس منو يقدر يقنعها ان الي تسويه بنفسها ظلم لها
ما تشوف الدنيا الحين جدامها الا بهالريال
ما يملي عينها الا اهو .. شلون راح تربط روحها بغيره
كل الي تسويه هالبنت ليش ؟
لان الحب ( خالد )
رايكم يهمني .. ""بموقف البنت"
انجيييييي:*
ردحذفاليوم واايد حلووو .. بيور + انجيييي.. والفال لامور..
موضوعج.. مثل الي حط الملح على الجرح..
بس خل اقولج..
انا مع ان البنت ما تتزوج ولا ترتبط بانسان .. زوج.. الا اذا طلعت من قصه الحب بكل جوارحها..
ليش؟؟ عشان ما راح تقدر نفسيا انها تقوم بواجبتها كزوجه .. احنا كبنات.. مشاعرنا اتحكم فينا وبسلوكنا.. مشاعر الحب تمشينا وفي بعض الاحيان تفضحنا..
انا فاهمه ان لازم نمشي بحياتنا.. والدنيا ما توقف على قصه حب ما مشت بالصوره الي نبيهاا.. ولاحظي اني قلت ما انتهت..
لان لو انتهت جان ما في مشكله بالاساس..
بس اعتقد ان الزمن كفيل ان ينسينا.. ويمكن بيوم يصير ذكرى حلوه.. ونفكر بالي صار على اساس ان الفراق كان خيره..
طولتها واهيا قصيره..
ومنوره :**
انا وايد مستانسة لان كلنا تيمعنا هني :*
ردحذفو عسول حبيبتي ,,
مشكلتنا احنا البنات نفكر بعواطفنا اكثر من ما نفكر بعقولنا ,,
بس شتسوين اذا الطرف الثاني شاف حياته و تزوج ؟ تقعدين على ذكراه ؟ تحرمين روحج من الحب مرة ثانية ؟ او من العيال ؟
افرضي صار العكس , البنت تزوجت ,, تتوقعين الريال بيحرم روحه من وناسة الدنيا و يعيش على ذكرى ؟
الشغلة ادري مو سهلة و وااايد صعبة بس الحياة ماشية لي جدام و عمرها ما ترد لي ورا , ما تدرين يمكن البنت تلقى حب يديد يعوضها عن حبها اللي راح و مثل ما يقولون " الحب وحده يشفي الجرح اللذي احدثه" في البداية بيكون صعب عليها بس مع الوقت كل شي بيتغير و يصير الحب اليديد مسيطر عليها ,, و هذا مو معناته ان الحب القديم مات ..لا .. يظل موجود ذكرى حلوة مرت فيها
شكلي كتبت مقالة ثانية هني لول
منورة و خوش طرح بصراحة كان ودي اعبر اكثر مو مكفيني الكلام اللي قلته لول
مشكووووورين على مروركم العجيب :**
ردحذفوالله موقف البنت وايد صعب بهالحالات بس مثل ما قلتو قطار الحياة يسير ..
والله كريم
اغلبنا مر بتجارب فاشله بس لو كل تجربه فاشله توقفين حياتج فيها ما راح تعيشين ... ممكن تتعبين وايد بس خل يكون عندج يقين انه راح تحصلين الأحسن ... اذا تفائلتي بشي و كان عندج قناعه انج راح تحصلينه اكيد بتشوفينه لان ربج يفتحلج ابواب من غير ماتحسين... الدنيا مو كلها وناسه ... لازم تييلج أيام صعبه... الله عطانا نعمه النسيان حتى بالموت... باختصار مهما يكون الموضوع صعب لكن عمره مايكون مستحيل...
ردحذفتحياتي: عتوية
الحب والتضحية!!!!
ردحذفمفهوم مثير للتساؤل لأنه مثل كل المفاهيم الأخرى ومنها(الحب) خاضع لتصوراتنا
تلك التصورات التي تتكون من تجاربنا الخاصة أو حتى من واقع معايشتنا لواقع من حولنا من أصدقاء وعائلة.
فما اعتبره انا ك(تضحية) لايراه الطرف الآخر يرقى حتى لأخذه بعين الاعتبار كتعبير أولي عن الاهتمام!
لأن كلا الطرفين سواء الرجل أو المرأة لديه تصور خاص به عن الحب والتضحية.
وحتى لاتصبح مفاهيمنا أزمة وخاصة بما يتعلق بالعلاقات الاجتماعية وارقاها هي العلاقات العائلية التي ينضوي تحتها الزواج دعونا نكون فعليين(واقعيين) لا انفعاليين ولا اقصد بالواقعية هنا الغاء مشاعرنا وعواطفنا وإنما اقصد توظيف هذه العواطف والمشاعر لاستمراريتي كأنسان(رجل أو إمرأة) وتحمل عواقب اختياري لطريق هذه الاستمرارية.
وكما قال الرسول الأكرم عليه وعلى آله وصحبه الصلاة والسلام
"احبب حبيبك هونا ما عسى أن يكون بغيضك يوما ما, وابغض بغيضك هونا ما عسى أن يكون حبيبك يوما ما"
تحياتي
ThugLife103
السلام عليكم ..
ردحذفحلو موضوعج انجنيرة..واتوقع ان مثل هذي القصص موجودة واتوقع انه في ناس عايشين بينا حاصلتلهم مثل هذي الظروف.
بصراحة ظروف صعبة ومعقدة .. لها حل لكنه صعب انا بصراحة اتوقع ان الحل يكمن بالطرف المظلوم ..اللي اهو الطرف الثالث ممكن انا اقول (اذا ممكن) انه يكون هناك انفصال ..
لكن المسألة مو مسألة جرأة ولا مسألة فرد عضلات السالفة هل الطرف الثالث يستاهل البهذلة ؟؟
او انه غلط ذيك الغلطة اللي يتعاقب عليها بإنهاء حياة يديدة توه باديها ومتزهب انه يبذل ويجتهد فيها قد مايقدر ؟؟ صعبة حيل ..
لكني والله يشهد علي اني لو بمكان هذي البنت ما اطوف دقيقة مع الشخص اللي احبه ويحبني خاصة انه يحبني حب من قلبه .. واذا على ظروفه المزفته ما أقول الا الله كريم لأن بوضع مثل هذا السالفة معقدة وايد مو شويه
والله يوفق الجميع
والله يحفظ كاتبة الموضوع
ويخليها لنا
تحياتي / Time Less
مرحبا ...
ردحذفالشعور صعب خاصة أذا الشخص حب شخص بكل صدق وأمانة لكن الظروف أو أي احد دخل بالسالفة وخربها وماصار نصيب
يبقى الحب خالد وما الحب الا للحبيب الأولي
وشكراً
الله يعينها والله حاسة فيها ...
ردحذفكلش مو سهلة السالفة عليها ولا راح تكون سهلة
الدنيا تمشي وبيي لها يوم وراح تقدر انها تتقبل الموقف ما اقول انها راح تنسى
ما اتوقع ان النسيان بهالحاله سهل (والله ماهو سهل)
بس لي متى بتقعد على هالحالة ,,, خلي سالفة البنت الثانية الي انظلمت
اهي قاعد تظلم نفسها ولازم تستوعب هالشغلة ,,,
وبعدين ترى حتى الريال لازم يتحاسب,,, اهو لازم يكون له راي لازم يحاول زيادة ,,,
بس الواحد شيقول ماكو غير الله كريم انشاء الله
والله يوفق الجميع ويبعد عنهم عوار القلب ومشاكلة,,
Sky
ردحذفتعليقج وايد عجبني .. وكلامج كلا صح
الله يعينهم و يوفجهم اثنينهم للي فيه الخير
الله كريم
مشكووووووووووووووره على مرورج على هالبوست بالذات :*
أفا عليج إنشاء الله راح أمر على كل بوست
ردحذفمدونتج حلوة وتدش القلب الله يوفقج انشاء الله